चंद्रपूर:- चंद्रपूर-नागपूर मार्गावर मोरवा येथे एका अवैद्य ऑईल साठ्याला भीषण आग लागल्याची घटना आज बुधवारी (दि.5) सायंकाळी उशिरा उघडकीस आली. आगीने रौद्ररूप धारण केल्याने लगतचे भंगार गोदामही आगीच्या विळख्यात आला आहे. आगीवर नियंत्रणासाठी पोलिस व महसुल प्रशासनाचे अधिकारी घटनास्थळी दाखल झाले आहेत. आगीवर नियंत्रण मिळविण्यासाठी रात्री उशिरापर्यंत प्रयत्न सुरू होते.
चंद्रपूर - नागपूर मार्गावरील मोरवा जवळ ईगल नावाचा ढाबा आहे. याच ढाब्याच्या मागे ऑईलचा अवैध गोदाम आहे. या ठिकाणी असलेल्या ऑईल साठ्याला अचानक आग लागली. पाहता पाहता आगीने रौद्ररूप धारण केले. लगतच्या गोदामाजवळ असलेल्या भंगार गोदामाला आगीने विळख्यात घेतले. डीझेल - ऑइलच्या अवैध साठ्याला आग लागल्याची माहिती प्रशासनाला मिळाल्यानंतर तातडीने अग्निशमन दलाच्या गाड्या घटनास्थळी दाखल झाल्या.
पोलीस आणि महसूल अधिकारी घटनास्थळी दाखल झाले असून आगीवर नियंत्रण मिळवण्याचे प्रयत्न सुरू आहेत. अवैद्य ऑईल साठ्याच्या आग लागल्यानंतर त्या ठिकाणी स्फोट झाल्याची माहिती मिळत आहे.