लहानपणापासूनच वर्दीचं आकर्षण आणि समाजाची सेवा करण्याची इच्छा बाळगून असलेल्या करिश्माने पोलीस दलात सामील होण्याचं ध्येय ठेवलं होतं. हे स्वप्न पूर्ण करण्यासाठी तिने दिवसरात्र एक केले. पहाटे लवकर उठून धावणे, मैदानी सराव करणे आणि त्यानंतर तासन्तास अभ्यास करणे हा तिचा दिनक्रम बनला होता.
एकदा अपयश आल्यानंतरही तिने कधीच हार मानली नाही. कुटुंबाचा आणि मित्रांचा तिला पूर्ण पाठिंबा मिळाला आणि अखेर तिच्या अथक परिश्रमानंतर तिची महाराष्ट्र पोलीस दलात निवड झाली. विशेष म्हणजे, करिश्मा ही चंद्रपूर येथील उड़ान अकॅडमीची विद्यार्थिनी आहे.
आज करिश्मा एक जबाबदार पोलीस म्हणून आपले कर्तव्य बजावणार आहे. तिची ही गोष्ट अनेकांसाठी प्रेरणास्रोत आहे. तिने सिद्ध करून दाखवलं की, दृढनिश्चय असेल तर कोणतंही स्वप्न अशक्य नाही. तिच्या या यशामुळे तिच्या गावाचं आणि कुटुंबाचं नाव रोशन झालं आहे.
करिश्मा म्हणाली, 'आज मला खूप आनंद होतोय की माझं स्वप्न पूर्ण झालं. पोलीस दलात सामील होऊन मला समाजाची सेवा करण्याची संधी मिळाली आहे. मी प्रामाणिकपणे आणि निष्ठेने आपलं कर्तव्य बजावीन.
तिच्या कुटुंबानेही तिच्या यशाबद्दल आनंद व्यक्त केला. 'आम्हाला खात्री होती की ती एक दिवस नक्कीच यशस्वी होईल. तिची जिद्द आणि मेहनत पाहून आम्हीही तिला पूर्ण पाठिंबा दिला,' असे तिच्या कुटुंबाने सांगितले.
उड़ान अकॅडमीचे संचालक जितेंद्र पिंपळशेंडे यांनी करिश्माच्या या यशाबद्दल आनंद व्यक्त करत सांगितले की, "उड़ान अकॅडमी चंद्रपूरची विद्यार्थिनी करिश्माने आपले स्वप्न पूर्ण केले आहे. तिच्या या यशाचा आम्हाला अभिमान आहे."
आधार न्युज नेटवर्क करिश्माच्या जिद्द आणि मेहनतीला सलाम करतो!"