चंद्रपूर:- जिल्हा चंद्रपूर पोलीस अभिलेखावरील धोकादायक व्यक्ती, कुख्यात गुंड व्यक्ती नामे आकाश उर्फ चिन्ना आनंद आंधेवार वय ३७ वर्षे रा. बामनी ता. बल्लारपुर, जि. चंद्रपूर यांचेवर चंद्रपुर जिल्हयात विविध पोलीस स्टेशन मध्ये सन २०१० ते सन २०२५ या कालावधीत एकुण २० गुन्हयाची नोंद असुन त्यामध्ये साथीदारांसह खुन, खंडणी, जबरी चोरी, अवैध शस्त्र बाळगणे, हत्यारासह गंभीर दुखापत करणे, अवैधरित्या दारुचा साठा बाळगणे, धमकावने, शासनाचे वाजवी आदेशाचे उल्लंघन करणे, वर्चस्व प्रस्तापीत करण्याकरीता हल्ला करणे, अशा गुन्हयावी नोंद आहे. त्याची परीसरामध्ये दहशत आहे. त्याने सामान्य जनते मध्ये दहशत निर्माण केली असुन त्याने गुन्हेगारी कारवाया चालुच ठेवल्याने त्याचेवर वेळोवेळी प्रतिबंधक कारवाई करून सुध्दा आरोपी कायदयाला जुमानत नसल्याने याची दखल मा. पोलीस अधीक्षक सा. चंद्रपूर यांनी घेवुन सदर इसमावर महाराष्ट्र झोपडप‌ट्टी गुंड, हातभ‌ट्टीवाले, औषधीद्रव्य विषयक गुन्हेगार व धोकादायक व्यक्ती दृकश्राव्य कलाकृती विनापरवाना प्रदर्शन करणाऱ्या व्यक्ती (व्हिडीयो पारेट्स) वाळू तस्कर अत्यावश्यक वस्तुचा काळा बाजार करणारी व्यक्ती यांच्या विघातक कृत्यांना प्रतिबंध करण्याविषयीचा अधिनियम सन १९८१ (सुधारणा २००९, २०१५) अन्वये प्रस्ताव तयार करून मा. श्री. विनय गौडा जी. सी., जिल्हादंडाधिकारी चंद्रपूर यांचेकडे सादर केला असता, त्यांनी सदर प्रस्तावाची दखल घेवुन प्रस्तावित इसम नामे आकाश उर्फ चिन्ना आनंद आंधेवार वय ३७ वर्षे रा. बामनी ता. बल्लारपुर, जि. चंद्रपूर यास नमुद कायदयांतर्गत १ वर्षा करीता स्थानबध्द करण्याबाबत दिनांक १९/०९/२०२५ रोजी आदेश पारीत केल्याने त्यास दिनांक २१/०९/२०२५ रोजी ताब्यात घेवून त्यास मध्यवर्ती कारागृह चंद्रपूर येथे दाखल करण्यात आले आहे.
सदरची कारवाई मा. पोलीस अधीक्षक, चंद्रपूर, मुम्मका सुदर्शन, मा. अपर पोलीस अधीक्षक चंद्रपूर, ईश्वर कातकडे, यांचे मार्गदर्शनात सुधिर नंदनवार, उविपोअधि, राजुरा, दिनकर ठोसरे, उविपोअधि, चिमुर, अमोल काचोरे, पोलीस निरीक्षक, स्था.गु.शा. चंद्रपूर तसेच ठाणेदार पो. स्टे. बल्लारशा पो. नि., विपीन इंगळे, स.पो.नि. शब्बीर पठाण, पो.कॉ. मिलींद आत्राम, स्थागुशा चंद्रपूर पथकातील सपोनि दिपक कांक्रेडवार, सपोनि योगेश खरसान, स. फौ. अरून खारकर, पोहवा सुधिर मत्ते, पोहवा परवरीश शेख यांनी मोलाची कारवाई केली आहे.