राजु झोडे यांची पत्रकार परिषद.
Bhairav Diwase. March 15, 2021
पोंभुर्णा:- पोंभुर्णा तालुका हा आदीवासी बहुल तालुका आहे. व सध्या जागतीक कोरोना महामारीच्या संकटात सर्व सामान्य नागरीक होरपळून जात असतांना रोजगाराचा प्रश्न ऐरणीवर आहे. त्यात ग्रामीण भगात रोजगार हमी योजनेच्या कामाच्या माध्यमातून नागरीकांच्या हाताला काम मिळत असल्याने यातून कुटुंबाचा उदरनिर्वाह होत आहे.
परंतु पोभुर्णा तालुक्यातील मौजा बोर्डा झुल्लुरवार गावात रोजगार हमी योजनेच्या कामात येथील संवर्ग विकास अधिकारी साळवे व प्रोग्राम असीस्टंट ऑफीसर हेमंत येरमे यांनी बोर्डा झुल्लुरवार येथील रोजगार सेवक कार्तीक बुरांडे यांना हाताशी धरून व संगणमत करून जे नागरीक गावात राहतच नाही व कधीही कामावर गेले नाही अशा लोकांच्या नावाने बोगस काम दाखवुन अनेक हप्ते काम केल्याचे दर्शवून शासनाचा लाखो रूपयाचा निधी अफरा तफर केला आहे. आणि रोजगार हमी योतनेत प्रत्यक्ष झालेल्या कामापेक्षा जास्तीचे मोजमाप दाखवून शासनाची दिशाभूल केली आहे. याचा संपुर्ण दस्ताऐवज माहीतीच्या अधिकार अर्जातून तक्रारकर्त्यांनी प्राप्त केला असून त्यात मोठा गैरप्रकार असल्याची बाब पुढे आली आहे. येथील संवर्ग विकास अधिकारी साळवे व प्रोग्राम असीस्टंट ऑफीसर हेमंत येरमे यांनी काही मस्टर गहाळ झाल्याचे सांगत अर्धवट माहिती दिली आहे.
त्यामुळे शासनाच्या लोकहित योजनेला यांचेकडून हरताळ फासून लाखो रूपयाचा गैरप्रकार केल्याची वास्तव पुढे आले आहे. त्यामुळे वरिल सर्व प्रकरणाची चौकशी करून बोर्डा झुल्लुरवार येथील नागरीकांच्या वतीने उलगुलान संघटनेचे संस्थापक अध्यक्ष राजु झोडे, रूपेश निमसरकार व सोबत गावकरी, हिंमतलाल मांडवगडे, नितेश रामटेके यांनी दोषींवर कार्यवाहीची मागणी केली आहे. जर दोषींवर कारवाई न झाल्यास उलगुलान संघटनेच्या वतीने पोंभुर्णा तालुक्यातील इतरही काही गावातील बोगस कामा बाबत जनआंदोलन करण्यात येईल.